İranın və Səudiyyə Ərəbistanının iqtisadiyyat nazirləri görüşüblər

İranın iqtisadiyyat naziri Ehsan Xanduzi ərəb ölkəsinə səfəri zamanı Səudiyyə Ərəbistanının iqtisadiyyat və planlaşdırma naziri Feysəl F. Əlibrahim ilə konstruktiv müzakirələr aparıb.

"Operativ Media" xəbər verir ki, bu barədə iranlı nazir "X" hesabında yazıb.

O bildirib ki, Feysəl F. Əlibrahim İranın 5 təklifinin hamısını qəbul edib.

Nazirin sözlərinə görə, səudiyyəli nazir dövlət-özəl sektorda iqtisadi əməkdaşlıq üçün yol xəritəsinin hazırlanmasının vacibliyini də vurğulayıb.