Çin kosmik stansiyası turistləri qəbul edəcək

Çin Tianqonq kosmik stansiyası digər ölkələrdən turistləri və astronavtları qəbul edəcək.

"Operativ Media" xəbər verir ki, bunu Çinin İnsanlı Kosmos İdarəsinin direktor müavini Lin Xiqianq “Shenzhou-18" pilotlu kosmik gəminin buraxılışından əvvəl keçirdiyi mətbuat konfransında bildirib.

"Biz beynəlxalq astronavtları və turistləri kosmik stansiyaya dəvət etmək imkanlarının araşdırılmasını sürətləndirəcəyik", - deyə o qeyd edib.

Xiqianq Çinin başqa ölkələrdən turistləri və astronavtları Tianqonqa nə vaxt və hansı şərtlərlə dəvət etməyi planlaşdırdığı barədə ətraflı məlumat verməyib.