İndoneziyanın Ruanq vulkanı püskürüb. Səlahiyyətlilər yaxınlıqdakı adada yaşayan 12 mindən çox insanı təxliyə etməyə çağırıb.

"Operativ Media" xəbər verir ki, Vulkanologiya və Geoloji Təhlükələrin Azaldılması Mərkəzi (PVMBG) püskürmədən sonra Ruanqın həyəcan vəziyyətini ən yüksək səviyyəyə qaldıraraq, sakinlərə vulkana yaxınlaşmamaq barədə xəbərdarlıq edib.

İndoneziyanın təbii fəlakətlərin nəticələrinin azaldılması agentliyi (BNPB) vulkanın yerləşdiyi Ruanq adasının 843 sakininin hamısının Şimali Sulavesi əyalətinin paytaxtı Manadoya köçürüldüyünü bildirib. Taqulandaq adasının sakinləri şimaldakı Siau adasına köçürlər.

Məlumata görə, partlayış bəzi evlərə də ziyan vurub.