ABŞ Ukraynaya bacardığı qədər ATACMS taktiki ballistik raket ötürmək niyyətindədir.

"Operativ Media" xəbər verir ki, bunu ABŞ-nin müdafiə naziri Lloyd Ostin deyib.

Eyni zamanda, Ostin bu cür tədarüklərin davam edib-etməyəcəyinə aydınlıq gətirmək barədə suala cavab verməkdən yayınıb.

ABŞ prezidentinin milli təhlükəsizlik üzrə köməkçisi Ceyk Sullivan aprelin 24-də bəyan edib ki, Kiyevə ATACMS raketlərinin tədarükü barədə qərar fevral ayında Vaşinqton tərəfindən verilib.

Onun sözlərinə görə, mart ayında ABŞ prezidenti Co Baydenin əmri ilə bu raketlərin əhəmiyyətli hissəsi Ukraynaya ötürülüb. Pentaqona görə, ATACMS raketləri sırf Ukraynanın suveren ərazisində istifadə üçün tədarük edilib.