ABŞ Çinlə münaqişəyə hazır olmağın vacib olduğunu bildirib

ABŞ Çinlə münaqişəyə hazır olmalıdır, bu qaçılmazdır. 

"Operativ Media" xəbər verir ki, bu açıqlama ilə ABŞ-nin müdafiə naziri Lloyd Ostin çıxış edib.

"Şəxsən mən Çinlə münaqişənin yaxınlaşdığına və ya qaçılmaz olduğuna inanmıram", - o, Nümayəndələr Palatasının Silahlı Qüvvələr Komitəsinin dinləmələrində deyib. 

"Hər şeyə hazır olmalıyıq. Və belə bir şey baş verərsə, döyüş məkanına hakim olmağımızı təmin etməliyik. Məqsədimiz budur və biz hər gün bu istiqamətdə hərəkət edirik", - deyə Pentaqonun rəhbəri vurğulayıb.

Eyni zamanda o, materik Çinin etirazlarına baxmayaraq, Birləşmiş Ştatların Tayvana silah və hərbi texnika tədarükünü davam etdirmək niyyətində olduğunu təsdiqləyib: "Biz Tayvana yardım göstərməyə davam edəcəyik ki, o, özünü müdafiə edə bilsin".