Ekvador prezidenti Daniel Noboa daxili silahlı münaqişə səbəbindən beş sahil əyalətində fövqəladə vəziyyət elan edib.

"Operativ Media" xəbər verir ki, fərmanda El Oro, Quayas, Los Rios, Manabi və Santa Elena əyalətlərinə qarşı tədbirin 60 gün davam edəcəyi bildirilib.

Sənəddə mütəşəkkil silahlı qruplaşmalara qarşı taktiki döyüş əməliyyatlarının aparılması zərurəti səbəbindən vilayətlərə polis və silahlı qüvvələrin yerləşdiriləcəyi də qeyd olunub.

Hökumət zorakılıqlarda, o cümlədən bir televiziya stansiyasının dramatik şəkildə işğalında və yanvar ayında mühafizəçilərin kütləvi şəkildə girov götürülməsində narkotik ticarəti ilə məşğul olan dəstələri günahlandırır.