Ermənistan və NATO hərbi təlimlərdə əməkdaşlıq sahələri barədə razılığa gəliblər

Ermənistan və NATO 2024-cü il üçün hərbi təlimlər sahəsində ikitərəfli əməkdaşlıq proqramı haqqında razılığa gəliblər.

"Operativ Media" xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Qeyd olunub ki, tərəflər proqramı Ermənistan ordusunun Baş Qərargah rəisinin müavini Artur Yeroyanın Brüsselə səfəri zamanı müzakirə ediblər.

"Qarşılıqlı fəaliyyətin yeni istiqamətləri müəyyən edilib", - nazirliyin bəyanatında deyilib.