"Bir çox hallarda sahibkarlar öz peşə sahəsinə uyğun olmayan tenderlərdə iştirak etməyə çalışırlar. Bu da tenderin pozulmasına gətirib çıxarır".
"Operativ Media" xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli "Təchizat Zənciri Liderləri Zirvəsi"ndə deyib.
"Mövcud problemlərə hər zaman yeni imkanlar kimi baxmaq lazımdır və onların təkrarlanmaması üçün sahibkarlar peşəkarlıqlarını artırmalıdırlar. Təşkilatlanma nöqteyi nəzərindən sahibkar mal və ya məhsulun təkcə istehsalçısı deyil, həm də təşkilatçısıdır. Bəzi sahibkarlarda təşkilatçılıq çox da yuxarı səviyyədə deyil. Tenderlərin ləğvlərinin səbəblərinə baxanda əsas səbəblər iştirakın mahiyyəti yox, formasıdır. Maliyyə hesabatı verə bilməyən şirkətin tenderi layiqincə yerinə yetirə bilməsi sual doğurur", - o bildirib.
