Simeonenin rəhbərliyi altında "Atletiko" 12 il ardıcıl Çempionlar Liqasına vəsiqə qazanır

Argentinalı baş məşqçi Dieqo Simeonenin rəhbərliyi altında Madrid “Atletiko”su 12 il ardıcıl Çempionlar Liqasına vəsiqə qazanıb.

"Operativ Media" xəbər verir ki, La Liqanın 36-cı turunda səfərdə fransalı hücumçu Antuan Qrizmannın het-triki sayəsində "Xetafe"ni 3:0 hesabı ilə məğlub edən "Atletiko" çempionatın başa çatmasına iki tur qalmış 73 xalla ən azı dördüncü yeri təmin edib. 

Dieqo Simeone 2011-ci ilin dekabrın 23-dən "Atletiko"ya rəhbərlik edib.