"Beşiktaş" və "Fənərbağça" "Qarabağ"ın futbolçusu Leandro Andradeni heyətinə qatmaq istəyirlər.

"Operativ Media" xəbər verir ki, bu barədə Portuqaliyanın "A Bola" nəşri məlumat yayıb.

İstanbul klubları artıq həm yarımmüdafiəçinin agenti, həm də komandası ilə təmas qurublar. Amma "Qarabağ" Türkiyə təmsilçilərinin ilk təklifini geri çevirib. "Köhlən atlar" 24 yaşlı kabo-verdelinin müqaviləsində göstərilən 4 milyon avro dəyərində sərbəstqalma məbləğinin ödənilməsini istəyir.

Türkiyə klublarından başqa Rusiya təmsilçilərinin də Andradenin agenti ilə əlaqə saxladığı vurğulanıb.

Qeyd edək ki, yarımmüdafiəçi bu mövsüm 54 oyunda meydana çıxıb, 13 qol vurub və 18 məhsuldar ötürmə ilə yadda qalıb. Onun "Qarabağ"la sözləşməsi 2027-ci ilin yayına kimidir