Bu gün SOCAR və Birləşmiş Ərəb Əmirliklərinin Masdar şirkəti arasında günəş və külək enerjisinin istifadəsi ilə bağlı sazişlər imzalanıb.

"Operativ Media" xəbər verir ki, bu barədə iqtisadiyyat naziri Mikayıl Cabbarov "X"də bildirib.

Onun sözlərinə görə, günəş və külək enerjisinin istifadəsi ilə bağlı imzalanan sazişlər Azərbaycanın enerji keçidində mühüm mərhələdir.

"Belə layihələr yaşıl gələcəyə sadiqliyimizi nümayiş etdirir və iqtisadiyyatımıza, ətraf mühitin qorunmasına və sosial rifaha önəmli töhfələr verəcək", o, qeyd edib.