DİN: Polislər “Mərhəmət evi” uşaq sığınacağını ziyarət ediblər

Şirvan Şəhər Polis Şöbəsinin əməkdaşları qarşıdan gələn Dünya Azərbaycanlılarının Həmrəyliyi Günü və Yeni İl bayramı münasibətilə şəhər ərazisində yerləşən "Mərhəmət evi" uşaq sığınacağını ziyarət ediblər. 
"Operativ Media" xəbər verir ki, öz qonaqlarını gülərüzlə qarşılayan körpələr şöbə əməkdaşlarının iştirakı ilə keçirilən tədbirdə şeirlər səsləndiriblər, nəğmələr oxuyublar. Polislər balaca fidanları qarşıdan gələn bayram münasibətilə təbrik edib, onlara hədiyyələr təqdim ediblər. Görüşdə uşaqlarında könüldən əyləndiyi bu tədbirdə xatirə şəkilləri çəkdirilib.
Görüşün sonunda sığınacağın rəhbərliyi körpələrə göstərilən diqqət və qayğıya görə Azərbaycan Polisinə öz minnətdarlığını bildirib.