Gürcüstanın Sameqrelo-Zemo Svaneti bölgəsində yerləşən Martvili şəhərində Müqəddəs Məryəm kilsəsi qarət edilib.

"Operativ Media" xəbər verir ki, məbədə pəncərədən daxil olan oğrular əsas ikonanı, gümüş şamdanları və ianə qutusundan xeyli pul aparıblar.

Hazırda faktla bağla araşdırma aparılır, cinayət törədən şəxslərin tapılması istiqamətində işlər davam etdirilir.

Qeyd edək ki, ötən il noyabrın 25-də Gürcüstanı şoka salan hadisə baş vermişdi. Belə ki, iki nəfər Xaşuri bələdiyyəsinin Tsxramuxa kəndində monastıra girərək yaşlı rahibəyə hücum edib. Qadını hədələyərək ondan pul və qızıl-zinət əşyaları tələb ediblər.

Cinayətkarlar onların tələbini yerinə yetirməyən rahibəni döyüb, sonra zorlayıblar. Ardınca ianə qutularını oğurlayaraq hadisə yerindən qaçıblar.