15 min dollarlıq antiq əşyaları oğurlayan şəxs saxlanılıb

Nərimanov rayonunda M.Araz küçəsində yerləşən mənzillərdən birindən naməlum şəraitdə 15000 dollar dəyərində antik şamdanlar, mücrü və gümüş kəmər oğurlanması barədə polis məlumat daxil olub. Oğurluğun ev sahibin evdə olmadığı son 15 gün ərzində törədildiyi bildirilib. 

DİN Mətbuat Xidmətindən "Operativ Media"ya verilən məlumata görə, polis əməkdaşlarının “isti iz”lərlə keçirdiyi əməliyyat-axtarış, əməliyyat-texniki tədbirlərlə oğurluq əməlini törətməkdə şübhəli Bakı şəhər sakini, əvvəllər Cinayət Məcəlləsinin oğurluq və soyğunçuluq maddələri ilə  məhkum olunan, 1996-cı il təvəllüdlü Ramin Tağıyev müəyyən olunaraq saxlanılıb. Oğurlanan əşyaların yeri tapılaraq maddi sübüt kimi götürülüb, sahibinə qaytarılması təmin olunacaqdır. 

R.Tağıyev cinayət məsuliyyətinə cəlb edilib. 

Nərimanov RPİ İstintaq şöbəsində araşdırmalar davam etdirilir.