25 İyul 2024, 21:09
Azərbaycan basketbol millisi Ermənistanı məğlub edərək yarımfinala yüksəlib
18 yaşadək basketbolçu oğlanlardan ibarət Azərbaycan millisi Avropa çempionatında növbəti oyununu keçirib.
"Operativ Media" xəbər verir ki, C divizionunda çıxış edən yığmamız B qrupunun son matçında Ermənistanla görüşüb.
Görüş milli komandamızın 76-69 hesablı qələbəsi ilə yekunlaşıb. Qarşılaşmanın ən məhsuldar basketbolçusu Azərbaycan kollektivinin üzvü Derin Berköz seçilib. Yığma bu qələbədən sonra qrup lideri olaraq yarımfinala vəsiqə qazanıb.
Qeyd edək ki, yarımfinal mərhələsi iyulun 27-də baş tutacaq.
Avropa çempionatı, C divizionu
B qrupu, III tur
25 iyul
18:00. Azərbaycan – Ermənistan
Tomorr Sinani İdman Sarayı