"Qarabağ" UEFA Çempionlar Liqasında növbəti oyununu keçirib.
"Operativ Media" xəbər verir ki, Qurban Qurbanovun baş məşqçisi olduğu komanda Bakıda Cəbəllütariqin "Linkoln" kollektivini qəbul edib.
Qarşılaşma Azərbaycan çempionunun 5:0 hesablı qələbəsi ilə yekunlaşıb.
17, 31 və 44-cü dəqiqədə fərqlənən Olavio Juninyo het-trik edib. 66-cı dəqiqədə Yassin Benzia adını tabloya yazdırıb. 72-ci dəqiqədə Leandro Andrade baxımlı qolla yadda qalıb.
Səfərdə rəqibini iki cavabsız topla üstəyən "köhlən atlar" növbəti III təsnifat mərhələsinə yüksəlib.
"Qarabağ" bu raundda "Ludoqorets" (Bolqarıstan) - "Dinamo" (Minsk, Belarus) cütünün qalibi ilə üz-üzə gələcək. İlk matçda "Ludoqorets" qələbə qazanıb - 2:0.
***
"Qarabağ" 5:0 "Linkoln"
"Operativ Media" xəbər verir ki, Azərbaycan çempionu beşinci dəfə topu rəqib qapısından keçirib. - 5:0
***
Bakıda "Qarabağ" və Cəbəllütariqin "Linkoln" klubları arasında keçirilən UEFA Çempionlar Liqasının II təsnifat mərhələsinin cavab matçında ikinci hissə başlayıb.
"Operativ Media" xəbər verir ki, Azərbaycan çempionu dördüncü dəfə topu rəqib qapısından keçirib. - 4:0
"Köhlən atlar"ın heyətində 66-cı dəqiqədə Yassin Benzia fərqlənib.
***
"Qarabağ" 3:0 "Linkoln"
"Operativ Media" xəbər verir ki, Azərbaycan çempionunun heyətində Olavio Juninyo özünün və komandasının üçüncü qoluna imza atıb.
Braziliyalı forvard 44-cü dəqiqədə het-trik edib.
***
"Qarabağ" 2:0 "Linkoln"
"Operativ Media" xəbər verir ki, Azərbaycan çempionunun heyətində Olavio Juninyo özünün və komandasının ikinci qoluna imza atıb.
Braziliyalı forvard 31-ci dəqiqədə dubl edib.
***
“Qarabağ” hesabı açdı.
"Operativ Media" xəbər verir ki, “Qarabağ” – “Linkoln” matçında hesab açılıb.
17-ci dəqiqədə Juninyo fərlənir.
"Qarabağ" 1:0 "Linkoln"
Qeyd edək ki, səfərdəki oyunda Azərbaycan təmsilçisi qələbə qazanıb - 2:0
***
UEFA Çempionlar Liqasının II təsnifat mərhələsində bu gün baş tutacaq “Qarabağ” – “Linkoln” (Cəbəllütariq) matçının start heyətləri açıqlanıb.
"Operativ Media" xəbər verir ki, Ağdam təmsilçisinin baş məşqçisi Qurban Qurbanov ilk oyundakı start heyətinə şans verib.
Tofiq Bəhramov adına Respublika stadionuna keçiriləcək matç saat 20:00-da başlayacaq.
Komandalar aşağıdakı heyətlə çıxacaqlar:
Qarabağ: Fabian Buntiç, Marko Veşoviç, Bəhlul Mustafazadə, Kevin Medina, Toral Bayramov, Julio Romao, Marko Yankoviç, Leandro Andrade, Yassin Benzia, Abdullah Zubir, Juninyo
Linkoln: Santana, İbrahim Ayyu, Bernardo Lopes, Munyos, Sergent, Nano, Yahaya, Torrilla, Valarino, Pedro Martin, Britto.
