2021-ci ildə 5 milyon uşaq 5 yaşına çatmamış ölüb, 2,1 milyon uşaq və ya 5-24 yaş arası gənc ölüb.
"Operativ Media"nın xəbərinə görə, bu barədə Birləşmiş Millətlər Təşkilatının Uşaq Ölümünün Təxminləri üzrə Təşkilatlararası Qrupunun (UN IGME) son hesabatında bildirilib.
BMT-nin başqa bir hesabatına görə, eyni dövrdə 1,9 milyon körpənin ölü doğulduğu aşkarlanıb və səhiyyə sisteminə ədalətli çıxış və yüksək keyfiyyətli uşaq sağlamlığı xidmətləri ilə bu ölümlərin qarşısını almaq olardı.
2000-ci ildən bəri dünyada bütün yaşlarda ölüm riskinin daha aşağı olduğu qeydə alınıb, 5 yaşınadək uşaqların ölümləri isə qlobal miqyasda 50 faiz azalıb.
Bu prosesdə 5-24 yaş arası uşaq və gənclərin ölüm nisbətində 36 faiz, ölü doğum nisbətində isə yüzdə 35 azalma olub. Ölümlərin azalmasının ən mühüm amillərindən biri qadınların, uşaqların və gənclərin xeyrinə olan əsas sağlamlıq sistemlərinə edilən investisiyalardır.
2021-ci ildə hər 4,4 saniyədə bir uşaq və ya gəncin öldüyünü açıqlayan BMT, sağlamlıq sistemlərinin kifayət qədər inkişaf etmədiyi təqdirdə 2030-cu ilə qədər təxminən 59 milyon uşaq və gəncin ölə biləcəyi, 16 milyon körpənin isə ölü doğuş səbəbi ilə ölə biləcəyi xəbərdarlığı edib.
