Serbiyada həyatı faktiki olaraq dayandıran "Partizan" - "Srvena Zvezda" derbisindən sonra qalmaqal yaşanıb. Qarşılaşmada uduzan ev sahibi "Partizan"ın azarkeşləri etiraz ediblər.

"Operativ Media" xəbər verir ki, 4:0 hesablı məğlubiyyətdən sonra "Partizan" azarkeşləri matçın final fiti səsi ilə soyunub-geyinmə otağına basqın ediblər. Burada azarkeşlərin şüşələri sındırması məşqçi Aleksandr Stanojeviçin zədələnməsinə səbəb olub. Stanojeviçin üzündə və boynunda kəsiklər olub.

Matçdan sonra açıqlama verən Stanojeviç "Heç-heçə bitsəydi, gəlməzdim, amma 4-0 uduzduğumuz üçün bundan qaçmamaq üçün gəldim. Üzgün azarkeşlər pəncərəni sındırdılar, şüşə məni kəsdi, heç bir fiziki münaqişə olmadı” deyə bildirib. Stanojeviç də hadisələri biabırçı adlandırıb.