Qrizmann La Liqada 500-cü oyununu keçirib

"Atletiko Madrid"in 33 yaşlı fransız hücumçusu Antuan Qrizmann İspaniya La Liqasında 500-cü matçına çıxıb.

"Operativ Media" xəbər verir ki, argentinalı Dieqo Simeonenin rəhbərlik etdiyi komanda 8-ci turda son çempion "Real"la 1:1 hesablı heç-heçə edib.

Qrizmann tarixdə La Liqada 500 matça çatan 14-cü oyunçudur.

Legionerlər arasında Qrizmann yalnız La Liqada 520 matç keçirmiş “Barselona”nın keçmiş futbolçusu, argentinalı hücumçu Lionel Messidən (“İnter Mayami”) geri qalır.