COP29 Azərbaycan Əməliyyat Şirkəti bir neçə vakansiya elan edib.
"Operativ Media" cop29.az saytına istinadən xəbər verir ki, Əməliyyat Şirkətində hazırda aşağıdakı vakansiyalar mövcuddur:
Kopirayter
Rəqəmsal aktivlər üzrə kordinator
Ziyarətçi təcrübəsi (təəssüratı) üzrə baş menecer
Satış üzrə kordinator
Məlumat mərkəzinin mütəxəssisi
Məlumat mərkəzinin meneceri
Çağrı mərkəzinin baş meneceri
Çağrı mərkəzinin meneceri
Aeroportun terminal kordinatoru
Qeyd olunur ki, seçim proseduru iki mərhələdən ibarətdir. Belə ki, tələb olunan kvalifikasiya və vəzifə uyğunluğunu qiymətləndirmək məqsədilə tərcümeyi-halları (CV) seçim mərhələsindən keçmiş namizədlər müsahibənin birinci mərhələsinə dəvət olunacaqlar. Bu müsahibə müvafiq departament nümayəndəsi tərəfindən keçirilir və obyektivliyi təmin etmək məqsədilə müsahibədə İnsan Resursları komandasının bir üzvü də iştirak edir. Müsahibə zamanı əsas diqqət namizədin tərcümeyi-hal (CV) və təcrübəsinə, həmçinin şirkət mədəniyyəti ilə uyğunluğana yönəldilir.
Müsahibənin birinci mərhələsindən sonra seçilən namizədlər bacarıq və biliklərin, eləcə də təcrübənin xüsusi iş tələblərinə uyğunluğunun daha dərindən araşdırılması üçün ikinci mərhələyə dəvət olunacaq. Bu mərhələyə müxtəlif komanda üzvləri ilə görüşlər, eləcə də qiymətləndirmə, konkret halların araşdırılması və ya testlər daxil ola bilər. Seçim prosesinin bütün mərhələlərindən uğurla keçmiş namizədə iş təklifi veriləcək. Yekun mərhələdə isə əmək müqaviləsi imzaladıqdan sonra COP29 Azərbaycan Əməliyyat Şirkətində müvafiq vəzifə üzrə rəsmi olaraq əmək fəaliyyətinə başlayacaq.
Maraqlanan namizədlər mövzu yerində müvafiq vakansiya üzrə vəzifəni qeyd etməklə, CV nümunələrini [email protected] elektron ünvanına göndərərək müraciət edə bilərlər.