Ötən ay dövlət sərhədində 1,5 milyon manatlıq qaçaqmal ələ keçirilib

Ötən ay narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 74 kiloqram 627 qram narkоtik vasitə və narkotik tərkibli güclü təsiredici vasitə hesab edilən 44195 ədəd həb aşkarlanaraq dövriyyədən çıxarılıb.

"Operativ Media" xəbər verir ki, bu barədə DSX-nın mətbuat xidməti məlumat yayıb.

Bundan başqa, qaçaqmalçılıq fəaliyyətinə qarşı həyata keçirilmiş mübarizə tədbirləri nəticəsində ümumi dəyəri 1 milyon 529 min 391 manat оlan qaçaqmal, о cümlədən 1 ədəd avtomat darağı (23 ədəd patronu ilə birlikdə), 2 ədəd tapança darağı (75 ədəd patronu ilə birlikdə), dərman preparatları və tütün məmulatları saxlanılıb.