Rusiya Federasiyasının Prezidenti Vladimir Putin noyabrın 15-də Azərbaycan Prezidenti İlham Əliyevə zəng edib.

"Operativ Media" xəbər verir ki, bu barədə Prezidentin Mətbuat Xidməti məlumat yayıb.

Telefon danışığı əsnasında dövlət başçıları Rusiya Federasiyasının Prezidenti Vladimir Putinin bu ilin avqustunda Azərbaycana dövlət səfəri zamanı əldə edilmiş razılaşmaları, həmçinin Rusiyanın Baş naziri Mixail Mişustinin bu günlərdə Bakıya səfəri zamanı təmaslarını nəzərə alaraq, sənaye və nəqliyyat sahələrində qarşılıqlı faydalı layihələrin praktiki olaraq həyata keçirilməsi məsələlərini müzakirə ediblər.

Tərəflər Azərbaycan-Rusiya strateji tərəfdaşlıq və müttəfiqlik əlaqələrinin hərtərəfli inkişafının davam etdirilməsinə dair qarşılıqlı maraqlarını bir daha ifadə ediblər.

Müzakirə olunan məsələlərin icrası məqsədilə müxtəlif səviyyələrdə təmasların davam etdirilməsi razılaşdırılıb.

***

Azərbaycan prezidenti İlham Əliyev və Rusiya prezidenti Vladimir Putin arasında telefon danışığı olub.

"Operativ Media" xəbər verir ki, bu barədə Kreml məlumat yayıb.

Kremlin məlumatına görə, dövlət başçıları sənaye kooperasiyası və nəqliyyat sahəsində bir sıra qarşılıqlı faydalı layihələrin praktiki həyata keçirilməsini nəzərdən keçiriblər.

Eyni zamanda telefon danışığı zamanı Rusiya Prezidentinin 2024-cü ilin avqustunda Azərbaycana dövlət səfəri zamanı əldə olunmuş razılaşmalar kontekstində, eləcə də Rusiya hökumətinin sədri M.V.Mişustinin Bakıda keçirdiyi son təmaslar nəzərə alınmaqla, bir sıra məsələlərin praktiki həyata keçirilməsi məsələləri sənaye kooperasiyası və nəqliyyat sahəsində qarşılıqlı faydalı layihələr müzakirə olunub.