Çinin şimalındakı Heilongjiang bölgəsindəki Mohe şəhərində son 54 ilin ən soyuq günü yaşanıb, havanın temperaturu -53 dərəcə enib.
"Operativ Media" BBC-yə istinadən xəbər verir ki, yanvarın 22-də yerli vaxtla saat 07:00-da ölkənin şimalında, Rusiya ilə sərhəddə yerləşən Mohedə havanın temperaturu -53 dərəcə olub.
Bu, Mohedə temperaturun 52,3 dərəcə şaxta təşkil etdiyi 1969-cu ildən bəri rekord həddir..
Çinin ən soyuq bölgəsi olaraq göstərilən və ölkənin Şimal Qütbü kimi tanınan Mohedə qış mövsümü ümumiyyətlə 8 ay davam edir.
