İranın cənub-şərqində Sistan-Bəlucistan əyalətində silahlı hücum nəticəsində 2 əsgər həlak olub, 1 əsgər yaralanıb.
"Operativ Media" xəbər verir ki, İSNA-nın məlumatına görə, Sistan-Bəlucistan polis rəisi Məhəmməd Kənbəri gecə saatlarında baş verən hadisə ilə bağlı məlumat verib.
İran rəsmisi bildirib ki, Sistan-Bəlucistan əyalətinin Bempur rayonunda patrul xidmətində olan əsgərlərə silahlı hücum təşkil edilib, 2 nəfər həyatını itirib, 1 nəfər yaralanıb.
O, qeyd edib ki, hələlik şəxsiyyətləri müəyyən edilməyən hücumçuların tutulması istiqamətində işlər aparılır.
