Nepalın Sudurpaşçim əyalətinin Bajura rayonunda baş verən 5,9 bal gücündə zəlzələdə ilk təsbitlərə görə 1 nəfər ölüb.

"Operativ Media" xəbər verir ki, Bajura icra başçısı Puskar Khadka axşam saatlarında rayonda 5,9 bal gücündə zəlzələnin baş verdiyini açıqlayıb.

Xadka qeyd edib ki, ilk təsbitlərə görə zəlzələdə 1 nəfər ölüb, bir neçə nəfər yaralanıb.

Paytaxt Katmandudan 400 kilometr şimal-qərbdə yerləşən mahala təcili yardım və polis qruplarının sövq edildiyini qeyd edən Khadka, zəlzələdə bəzi anbar və fermaların torpaq altında qaldığını ifadə edib.

Xadka rayonun bəzi kəndlərinə hələ də məlumat verilmədiyini və zəlzələnin təsirinin dəqiq bilinmədiyini diqqətə çatdırıb.

Qeyd edək ki, dünyanın ən yüksək dağlarının yerləşdiyi bölgədə tez-tez zəlzələlər baş verir.