Zaxarova: Dini inanclara hörmət seçim deyil, zərurətdir

Rusiya Xarici İşlər Nazirliyinin sözçüsü Mariya Zaxarova sosial media hesabında NATO-nun baş katibi Yens Stoltenberqin Qurani-Kərimin yandırılması və İsveçdəki etirazlarla bağlı açıqlamasına reaksiya verib.

"Operativ Media" xəbər verir ki, dözümsüzlük və ayrı-seçkiliyə qarşı durmaqda beynəlxalq ictimaiyyətin məsuliyyət daşıdığını bildirən Zaxarova bildirib ki: "Dini inanclara hörmət bir seçim deyil, zərurətdir".

Qeyd edək ki, NATO-nun baş katibi Stoltenberq bu gün verdiyi açıqlamada, ifadə azadlığının İsveçdə və NATO-nun bütün digər üzv ölkələrində dəyərli varlıq olduğunu, bu cür hərəkətlərin münasib hesab olunmasa da qanunsuz olmadığını bildirib.