Qırğızıstanın Baş naziri Adılbek Kasıməliyev Avrasiya Hökumətlərarası Şurasının Almatıda keçirilən iclası çərçivəsində İranın birinci vitse-prezidenti Məhəmməd Rza Aref ilə görüşüb.
Operativ Media xəbər veirr ki, bu barədə ölkənin Nazirlər Kabinetinin mətbuat xidməti məlumat yayıb.
Tərəflər ölkələr arasında ticarət-iqtisadi əlaqələrin gücləndirilməsi, investisiyaların cəlb edilməsi və nəqliyyat logistikasının inkişafı məsələlərini müzakirə ediblər.
Adılbek Kasıməliyev Qırğızıstanın İrana mühüm tərəfdaş kimi baxdığını vurğulayıb:
“Ölkələrimizin ticarət-iqtisadi əməkdaşlığın inkişafı üçün əhəmiyyətli potensialı var. İran investisiyalarının cəlb edilməsi iqtisadi diplomatiyamızın prioritet sahələrindən biridir. Biz ticarət dövriyyəsinin artırılması üçün birgə səylər göstərməyə hazırıq”.