Ağ Ev bəzi Kütləvi İnformasiya Vasitələri ilə müqavilələri ləğv etməyə çağırıb

Ağ Ev Ümumi Xidmətlər İdarəsinə Kütləvi İnformasiya Vasitələri ilə bütün əlaqələri kəsməyi tapşırıb.

Operativ Media xəbər verir ki, bu haqda xarici KİV-lər Ağ Evin məktubuna istinadən məlumat yayıb.

Məktubda qeyd olunur ki, adıçəkilən qurum tamamilə bütün müqavilələri ləğv etməlidir.

“Ümumi Xidmətlər İdarəsinin komandası, zəhmət olmasa bu iki şeyi edin: birincisi “Politico”, BBC, “E&E”, “Bloomberg” ilə bütün müqavilələrinizə xitam verin, ikincisi müstəsna olaraq Ümumi Xidmətlər İdarəsinə aid olan KİV-lə bağlanmış müqavilələri ləğv edin”,- məktubun mətnində deyilir.

Qeyd edilir ki, bundan əvvəl Hökumət Effektivliyi İdarəsinin rəhbəri İlon Mask keçmiş hökumətin “Politico Pro” abunəliyinə milyonlarla dollar vəsait xərclədiyini bildirmişdi.