Fransanın cənub-şərqində güclü yağışlar fəsadlar törədib

Fransanın cənub-şərqində yeddi vilayətdə güclü yağışlar ev və iş yerlərinin su altında qalmasına, nəqliyyatın hərəkətində fasilələrə səbəb olub.

Operativ Media xəbər verir ki, bu barədə “Meteo-France” üç vilayətdə narıncı xəbərdarlıq səviyyəsinin qüvvədə qaldığını bildirib.

Marseldə tramvay xəttinə ziyan dəyib, metro stansiyası su altında qalaraq bağlanıb. Qar vilayətində A9 magistralının bəzi hissələrində hərəkət dayandırılıb, digər ərazilərdə də dəmir yolu nəqliyyatında fasilələr yaranıb.