Ötən il daxildə emal xüsusi gömrük prosedurunun tətbiqi ilə ixrac olunan məhsulların həcmi 3,3 dəfə artıb.
"Daxildə emal xüsusi gömrük prosedurunun tətbiqi ilə ixrac olunan məhsulların həcmində dinamik artım müşahidə edilir".
Operativ Media xəbər verir ki, bunu iqtisadiyyat naziri Mikayıl Cabbarov "X"də bildirib.
O, qeyd edib ki, bu sahədə müvafiq qaydaların təkmilləşdirilməsi və sadələşdirilməsi nəticəsində ötən il 2022-ci illə müqayisədə prosedurdan yararlanmaqla ixrac olunan malların həcmi 3,3 dəfə artaraq 455 mln. dollar təşkil edib.
