Zaxarova: Fransadakı konsulluğumuzda baş verən partlayışlar terror aktının bütün əlamətlərini əks etdirir

Rusiyanın Fransanın Marsel şəhərindəki baş konsulluğunda baş verən partlayışlar terror aktına bənzəyir.

Operativ Media xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

“Rusiyanın Marseldəki baş konsulluğunda baş verən partlayışlar terror aktının bütün əlamətlərini nümayiş etdirir. Biz ev sahibi ölkədən insidentin araşdırılması üçün təcili, hərtərəfli tədbirlər görməsini, həmçinin Rusiyanın xarici obyektlərinin təhlükəsizliyini artırmaq üçün tədbirlər görməsini tələb edirik”, - Rusiya XİN sözcüsü bildirib.