Roma Papası Vatikanın dövlət katibini xəstəxanada qəbul edib

Pnevmoniyadan xəstəxanada müalicə alan Roma Papası Fransisk Vatikanın dövlət katibi, kardinal Pietro Parolin və arxiyepiskop Edqar Pena Parranı qəbul edib.

Operativ Media xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Görüş fevralın 24-də verilmiş qərarların təsdiqi üçün baş tutub.

Xatırladaq ki, 88 yaşlı Fransisk fevralın 14-də xəstəxanaya yerləşdirilib. Pontifik ötən illərdə sağlamlıq problemləri ilə əlaqədar bir neçə dəfə xəstəxanada müalicə olunub.