İtaliyanın Baş naziri Britaniyaya səfər edib

İtaliyanın Baş naziri Giorgia Meloni Londona gəlib.

Operativ Media xəbər verir ki, Ukrayna üzrə sammit başlamazdan əvvəl İtaliya lideri Böyük Britaniyanın baş naziri Kir Starmerlə görüşəcək. 

Bildirilir ki, görüşə Fransa, Almaniya, Danimarka, Hollandiya, Norveç, Polşa, İspaniya, Türkiyə, Finlandiya, İsveç, Çexiya və Rumıniya liderləri, həmçinin Avropa Şurasının, Avropa Komissiyasının prezidentləri və NATO-nun baş katibi dəvətlidir.

Qeyd edək ki, Zelenski və aparıcı Avropa liderlərinin iştirakı ilə Londonda keçiriləcək sammit bir neçə saatdan sonra başlayacaq.