Azərbaycan şahmatçısı dünya çempionatında gümüş medal qazandı

Monteneqroda təşkil edilən 20 yaşlılar arasında şahmat üzrə dünya çempionatı sona çatıb.

Operativ Media xəbər verir ki, bu gün çempionatda 11-ci turun oyunları keçirilib.

Azərbaycan şahmatçısı Ayan Allahverdiyeva 11-ci turda Özbəkistan təmsilçisi Afruza Xamdamovayla heç-heçə oynayıb.

Bununla xalını 8-ə çatdıran Ayan Allahverdiyeva dünya çempionatının gümüş medalına layiq görülüb.

Qeyd edək ki, dünya çempionatında 50 ölkədən 200-dən çox şahmatçı mübarizə aparıb.