"Fənərbaxça"nın müdafiəçisi 1 aylıq sıradan çıxdı

"Fənərbaxça"nın müdafiəçisi Çağlar Söyüncü zədə səbəbindən təxminən bir ay futbol oynaya bilməyəcək.

"Operativ Media" xəbər verir ki, 28 yaşlı oyunçunun sağ ayaq əzələsində zədə aşkarlanıb. O, Avropa Liqasının 1/8 final mərhələsində "Reyncers"lə (Şotlandiya) keçirilən ilk matçda zədələnib.

İstanbulda baş tutan bu görüşdə "Fənərbaxça" 1:3 hesabı ilə məğlub olub. Söyüncünün bərpa prosesinin necə keçəcəyi və nə vaxt meydana qayıdacağı yaxın günlərdə dəqiqləşəcək.