Flik: "Çempionlar Liqasını qazanmaq ən çətin şeydir, amma "Barselona" bunu edə bilər"

"Barselona"nın baş məşqçisi Hansi Flik Çempionlar Liqasının 1/8 final mərhələsinin cavab matçında "Benfika" üzərində qazanılan qələbəni (3:1) şərh edib.

Operativ Media xəbər verir ki, o, Çempionlar Liqası kubokunu qazana biləcəklərinə inandığını bildirib.

"Mən xoşbəxtəm, çünki "Benfika"ya hörmət göstərdik. Onlar çox böyük iş gördülər və işimizi çox çətinləşdirdilər. Amma biz öz işimizi çox yaxşı yerinə yetirdik. Yamal son vaxtlar çox da qol vurmur, amma burada həm özü, həm də hamımız üçün çox vacib qolu vurdu. Bu, qalib gəlmək üçün ən çətin turnirdir, lakin biz bunu bacarırıq. "Benfika" çox yaxşı komandadır və onların məşqçisi fantastik iş gördü. Bu gün oynadıqları oyuna çox hörmət edirəm. Biz topa nəzarət edirdik, oyuna nəzarət edirdik və düşünürəm ki, daha bir neçə qol vura bilərdik. Amma hər halda 1/4 finala yüksəldiyim üçün çox şadam. Rafinya Çempionlar Liqasını qazanmaq üçün mübarizə apardığımızı deyirsə, bu, yaxşıdır. Bu o deməkdir ki, oyunçular bizim etdiklərimizə və nəyə nail ola biləcəyimizə inanırlar. Amma mənim işim sakit qalmaq və hər növbəti matçda bizi nə gözlədiyini düşünməkdir”.

Çempionlar Liqasının 1/4 final mərhələsində "Barselona" "Borussiya" - "Lill" matçının qalibi ilə qarşılaşacaq (ilk oyun - 1:1).