Azərbaycan millisinin futbolçusu Mahir Emreli Haitiyə qarşı keçirdikləri yoldaşlıq oyununu şərh edib.

Operativ Media xəbər verir ki, 0:3 hesabıyla bitən matçdan sonra “CBC Sport”a danışan hücumçu bunları deyib:

“Kifayət qədər şanslar yaratdıq, 100 faizlik epizodlarımız oldu, amma yararlana bilmədik. Tez buraxdığımız qol planlarımızı pozdu. Həftə ərzində rəqibi necə qarşılayacağımızı danışmışdıq. Buraxılan qol planları pozdu. Belə olanda da irəli çıxdıq. Evdə oynayırdıq və qələbə qazanmaq istəyirdik. Vura biləcəyimiz anda qol buraxdıq. Futboldur, əsas odur ki, anlayaq, bu, yoldaşlıq oyunudur. Məşqçi yeni metodlar yoxlayırdı. Gənc oyunçular üçün də yeni təcrübə oldu. Uşaqlar əllərindən gələni etdilər. Ramazan ayıdır və uşaqlar oruc tutmalarına baxmayaraq, maksimumunu edirlər. Bu oyunu təhlil edib, səhvlərimizi anlayıb, Belarusla matçda qələbə üçün oynamaq lazımdır”.

Mahir əvəzlənən zaman baş məşqçi Fernandu Santuşla danışığından söz açdı:

“Santuş dedi ki, yaxşı idin. Taktiki baxımdan söhbətlərimiz oldu”.