Azərbaycan millisinin heyətində dəyişiklik edildi

Azərbaycan milli komandasının heyətində dəyişiklik baş verib.

Operativ Media xəbər verir ki, qapıçı Şahrudin Məhəmmədəliyev zədə səbəbindən heyətdən çıxarılıb. Onun əvəzinə “Səbail”in üzvü Əlirza Müştəbazadə milliyə dəvət alıb.

Qeyd edək ki, komandamız bu gün Belarus yığması ilə yoldaşlıq görüşü keçirəcək. “Bank Respublika Arena”da təşkil olunacaq oyun saat 21:45-də başlayacaq.