Mənim üçün gözəl təcrübə oldu.

Operativ Media xəbər verir ki, bunu Belarusla oyundan sonra "CBC Sport"a açıqlamasında Xəyal Əliyev deyib.

O, öz səhvlərindən qollar buraxdığını bildirib.

"İlk hissə yaxşı oynadıq. İkinci hissə bəzi məqamlarda yenə öz səhvlərimizdən qollar buraxdıq. Ümumi komanda olaraq yaxşı oynadıq".

Gənc futbolçu milli komandanın onun üçün gözəl təcrübə olduğunu vurğulayıb.

"Toplanışa yaxşı hazırlaşmışdıq. Öz səhvlərimizdən qollar buraxdıq və məğlub olduq. İnşallah gələcəkdə daha yaxşı olacaq. İlk dəfə idi əsas milli komandaya çağrılırdım. Gözəl təcrübə oldu mənim üçün. Məşqçiyə təşəkkür edirəm. Əsas heyətdə mənə şans verdi və mən bu şansdan istifadə etdim. Gələn oyunlara daha yaxşı hazırlaşıb qələbə qazanacağıq".

Qeyd edək ki, Azərbaycan milli komandası Belarus yığmasına 0-2 hesabı ilə məğlub olub.