Şahin Şahniyarov: "Milli komandada çıxış etmək mənim üçün böyük bir təcrübədir"

Milli komandada olmaq mənim üçün böyük bir təcrübədir.

Operativ Media xəbər verir ki, bunu Belarus yığması ilə oyundan sonra "CBC Sport"a açıqlamasında Şahin Şahniyarov deyib.

20 yaşlı gənc futbolçu milli komandada böyük təcrübə topladığını bidlirib.

"Milli komanda hər kəsin xəyalıdır. Mənim üçün də yaxşı keçdi bu toplanış. Böyük bir təcrübə oldu. Özümdən təcrübəli futbolçularla bir yerdə məşq etmək, onlarla söhbət eləmək, danışmaq böyük bir təcrübədir mənim üçün"

O, oyuna əsas heyətdə başlayacağını gözləmədiyini dilə gətirib.

"Birinci gündən, 1-ci liqadan milliyə dəvət aldığım üçün o şansı gözləyirdim əlbəttə. Əsas heyətdə çıxacağımı gözləmirdim. Məşqçiyə təşəkkür edirəm".

Şahin Şahniyarov komandanın qol vura bilməməsinə də toxunub 

"Əslində qol epizodlarımız oldu. Amma son epizodlarda çatışmazlıqlar oldu. Elə mənim özümdə də çatışmazlıqlar oldu. İnşallah gələcək oyunlarda bunu dəyərləndirmək istəyirik".