Erlinq Holannın zədəsinin vəziyyəti bilindi

İngiltərə Federasiya Kubokunun 1/4 final mərhələsində "Bornmut"la səfər matçında zədələnən norveçli futbolçu bir müddət meydandan uzaq qalacaq.

Operativ Media xəbər verir ki, bu haqda klubun mətbuat xidməti məlumat yayıb.

Açıqlamada, "Erlingin mövsümün qalan hissəsində və bu yay FIFA Klublararası Dünya Kuboku da daxil olmaqla, daha çox rol oynaya biləcəyi müddətdə hazır olması gözlənilir." deyə bildirilib.

Holann bu mövsüm "Mançester Siti"nin heyətində 40 oyunda 30 qol vurub və 4 məhsuldar ötürmə edib.