FİFA prezidenti İnfantino Rusiyanın geri dönəcəyinə ümid etdiyini bildirib

FİFA prezidenti Canni İnfantino UEFA-nın Belqradda keçirilən Konqresində dialoqun əhəmiyyətindən, Rusiya milli komandalarının və klublarının beynəlxalq turnirlərdə iştirakının mümkün bərpasından danışıb.

Operativ Media bu haqda "RİA Novosti"yə istinadən xəbər verir.

"Dünyamız parçalanma ilə üzləşir və biz insanları birləşdirmək üçün bütün imkanlardan istifadə etməliyik. Hazırda Ukraynada sülh yolu ilə nizamlanma üzrə danışıqlar aparılır. Ümid edirəm ki, yaxın gələcəkdə biz növbəti addımı, Rusiyanı yenidən futbol ailəsinə qaytara biləcəyik. Bu, münaqişənin sona çatmasının əlaməti olacaq".

2022-ci ilin fevralında FİFA və UEFA Rusiya komandalarının beynəlxalq yarışlarda iştirakını qeyri-müəyyən müddətə dayandırıb.