Trampın tariflərindən sonra neftin qiyməti kəskin ucuzlaşıb

Neft bazarı ticarət gərginliyinin artması fonunda ucuzlaşmağa davam edir. 

Operativ Media xəbər verir ki, brent markalı neftin bir barelinin qiyməti 6 faiz ucuzlaşaraq, 59 dollardan aşağı düşüb.

Qeyd olunub ki, brent markalı neftin qiyməti 2021-ci ilin fevralından bəri ilk dəfə bir barel üçün 59 dollardan aşağı düşüb.

Qeyd edək ki, dünən ABŞ Çindən idxal olunan məhsullara gömrük rüsumlarını 104%-ə çatdırıb. 

Çin cavab olaraq ABŞ-dən idxal olunan məhsullara tətbiq edilən rüsumları 84%-ə qədər artırıb.

Xatırladaq ki,  Azərbaycandan ABŞ-yə idxal olunan məhsullara 10 faiz rüsum tətbiq edilib.