"Barselona" sentyabrda "Kamp Nou"ya qayıda bilər

"Barselona"nın "Kamp Nou" stadionuna qayıtmasının ehtimal olunan tarixi açıqlanıb.

Operativ Media "Onze Mondial"ın istinadən xəbər verir ki, klub yenidənqurma işlərini bu ilin sentyabrında başa çatdırmağı planlaşdırır. Bütün proseslər tamamlandıqdan sonra stadionun tutumunun 105 min tamaşaçı olacağı gözlənilir.

"Kamp Nau"nun yenidən qurulması 2023-cü ildə başlayıb. O vaxtdan kataloniyalılar ev oyunlarını 56 min tamaşaçı tutumuna malik Barselona Olimpiya Stadionunda keçirirlər.

31 turdan sonra "Barselona" La Liqanın turnir cədvəlinə 70 xalla başçılıq edir. Onlar "Real Madrid"i 4 xal qabaqlayırlar.