Səudiyyə Ərəbistanı "Formula 1" komandasını almağı düşünür

Şahzadə Xalid bin Sultan Əl-Abdullah Əl-Feysal ölkənin suveren sərvət fondunun "Formula 1" komandasının alınması imkanlarını araşdırdığını bildirib.

Operativ Media xəbər verir ki, bu haqda "Reuters" məlumat yayıb.

"Formula 1" sürətlə genişlənir, yeni tamaşaçılar cəlb edir və qlobal satışlarda artım göstərir. Hansı komandanın alına biləcəyini və idarəçiliyi necə təşkil edəcəyini hələlik söyləmək çətindir, amma marağımız ciddidir. Biz artıq Qran Priyə ev sahibliyi edirik və sponsor kimi fəaliyyət göstəririk, ona görə də gələcəkdə Səudiyyə Ərəbistanı komandası ola bilər”

"Formula 1"in növbəti mərhələsi aprelin 18-dən 20-dək Səudiyyə Ərəbistanında keçiriləcək.