ABŞ-yə məxsus hərbi təyyarələrin paytaxt Sənanın Əs-Sevra rayonuna bağlı Ən-Nahda yaşayış məntəqəsini hədəf aldığı hücum nəticəsində bir nəfər həyatını itirib.

Operativ Media xəbər verir ki, bu haqda "Əl-Məsirə" telekanalının "X" səhifəsində məlumat paylaşılıb.

ABŞ hərbi təyyarələri Sənanın Əs-Səba rayonuna bağlı Əl-Həfa bölgəsinə 14, Bəni Haşiş bölgəsinə 3, Mənaha bölgəsi ilə Nəqil əl-Fərdə bölgəsinə isə hərəsinə bir hava hücumu həyata keçirib.

Bundan əlavə, Yəmənin Əl-Cövf vilayətinin Əl-Həzm rayonuna da ABŞ qüvvələri tərəfindən hava hücumu təşkil olunub.

Hücumlarda ölən, yaralanan və ya dəymiş zərər barədə məlumat verilməyib.

ABŞ tərəfindən isə hücumlarla bağlı hələ ki, heç bir açıqlama verilməyib.