ABŞ ordusunun Suriyanın şimalındakı səkkiz hərbi bazasından üçünü bağladığı və yüzlərlə əsgərini geri çəkməyə başladığı iddia edilib.

Operativ Media xəbər verir ki, bu haqda "New York Times" qəzeti məlumat yayıb.

Qəzetin iki yüksək rütbəli məmura istinadən verdiyi xəbərə görə, ABŞ Suriyadakı hərbi varlığını azaldır.

Hesabatda ABŞ-nin Suriyanın şimal-şərqindəki səkkiz bazasından üçünü bağlamaq planının bir hissəsi olaraq yüzlərlə əsgərini geri çəkməyə başladığı iddia edilib.

Bu çərçivədə Suriyadakı 2000 olan ABŞ əsgərlərinin sayının 1400-ə endiriləcəyi bildirilib.