Husilər ABŞ-yə məxsus pilotsuz təyyarəni vurub

Yəməndə İranın dəstəklədiyi husilər ABŞ hərbi pilotsuz təyyarəsini vurduqlarını və iki döyüş gəmisini hədəfə aldıqlarını açıqlayıblar.

Husi ordusunun sözçüsü Yəhya Seri verdiyi açıqlamada, Yəmənin şimal-qərbindəki Hacı əyaləti sahillərində ABŞ-yə məxsus MQ-9 tipli İHA-nı yer-hava raketi ilə vurduqlarını bildirib.

Operativ Media xəbər verir ki, Seri, aprel ayında vurulan ABŞ-yə aid PUA-ların sayının 7-yə, hücumların başından bəri vurduqları İHA sayının isə 20-yə yüksəldiyini bildirib.

Seri, ABŞ Hərbi Dəniz Qüvvələrinə məxsus "Truman" və "Carl Vinson" təyyarə gəmilərini Qırmızı dəniz və Oman dənizində çox sayda qanadlı raket və İHA ilə hədəf aldıqlarını bildirib.