Zamiq Əliyev oynadı, komandası finala yüksəldi

Azərbaycan millisinin üzvü Zamiq Əliyevin formasını geyindiyi "Eqnatia" Albaniya kubokunun final mərhələsinə vəsiqə qazanıb.

Operativ Media xəbər verir ki, onlar yarımfinal mərhələsində "Partizani" klubu ilə qarşılaşıblar. İlk oyunda 0-1 hesabı ilə məğlub olan "Eqnatia" dünən keçirilən cavab qarşılaşmasında 2-0 qalib gələrək finala yüksəlib.

Zamiq Əliyev bu matçda 90 dəqiqə meydanda olub.

Qeyd edək ki, azərbaycanlı futbolçunun komandası finalda "Dinamo Tirana" ilə qarşılaşacaq.