"Real Madrid"in fransalı futbolçusu mövsümü bitirdi

"Real Madrid" 22 yaşlı fransalı yarımmüdafiəçi Eduardo Kamavinqanın səhhətinin vəziyyəti ilə bağlı açıqlama verib.

Operativ Media xəbər verir ki, yoxlamalar zamanı Kamavinqanın sol adduktor vətərində tam yırtıq aşkar edilib. Eduardo Kamavinqa mövsümün qalan hissəsində forma geyinə bilməyəcək.

İnsayder Fabrizio Romanonun sözlərinə görə, Kamavinqa klublararası dünya çempionatında da oynaya bilməyəcək.